Може веќе сте го виделе проектот на Зориа Петкоска и Лилика Стрезовска во кој спојуваат два, навидум неспојливи градови: Скопје и Токио. А сепак, како што ќе каже Зориа на Buzzfeed, без разлика што Скопје и Јапонија толку немаат врска што би можеле да бидат на различни планети, сепак ги врзува едно име: Кензо Танге. И фановите на јапонската поп-култура, што ние како Скопјани стварно едвај да ја знаеме.
Секоја суб-култура во Скопје ме воодушевува. Тоа ми е показател дека некаде, во некои ќошеви на градот, се собираат луѓе што мислат со своја глава и имаат фокус кон нешто што ги интересира, без да учествуваат во масовната зомбификација.
Фотографиите одлични и поинакви. Без разлика колку воодушевуваат зградите, плоштадите и небото над Скопје, понекогаш фали да ги погледнеме во комбинација со нешто несекојдневно. И тотално не е битно дали е тоа наша естетика, битно е естетика, и чувство за нејзината специфичност, во време на униформи.
И секако, прашањето од насловот, кај се интересните луѓе, зашо ги нема, и дали ќе имаме среќа да ги има поише?