Одамна имам налетано на Harbor Lounge Bar на социјални мрежи и се спремав да го проверам со месеци. Не ми е уз пат, затоа што е во Влае, па одлагав, додека не го видов следново на Твитер:
Pizza Harbor 🍕 можете да ја нарачате на kliknijadi.mk и ќе биде доставена до вашето место! pic.twitter.com/WN9BJMtMTr
— Harbor Lounge Bar (@HarborLoungeBar) November 14, 2016
Одма се убрзаа работите. Локална пица што изгледа така уште немам начекано. На македонскиот Black Friday, откако со векови се одглавував од Партизанска, се извозев до Порта Влае (кај кружниот тек, доле ќе пишам адреса) и го најдов.
Местото е тивко и пријатно. Вработените комуникативни и фини (со келнерката откривме дека делиме вкус за бескрајно и претерано многу сребро на раце). Све супер и за фамилијарно седење, и за со дечко, и плус едно маче имаше надвор што веројатно веќе знаеше со какви вкусови се расправа местово 😉
Нарачавме три различни пици, јас наравно Маргарита затоа што мислам дека за да процениш пица треба да почнеш од основата, како што за да процениш кафе треба да почнеш од Еспресо.
Значи, колку беше добро. Колку беше јако да најдеш НОВ рецепт за пица во Скопје. Покасно ни се придружи (мислам дека беше) сопственикот, и низ еден пријатен разговор ни објасни дека мајсторот учел занает во Болоња и дека тоа тесто е својствено за таму, нешто како специфичните разлики што ние ги имаме кај Велешка и Штипска пастрмајлија.
Харбор пица е нешто највкусно што сте пробале ⚓️👌 pic.twitter.com/ozvI1zGOs9
— Harbor Lounge Bar (@HarborLoungeBar) November 13, 2016
Менито нуди уште тон други работи, цените супер, така што јас ќе морам да се вратам ;). Пошто, види:
А вие да одите да си проверите што значи Болоњска пица, во Скопје, топло препорачувам.
Ќе ви треба:
Адреса:
Партизански Одреди бр.153/1
02 306 9777
Harbor Lounge Bar Facebook
Harbor Lounge Bar Twitter
И уживајте.
Јана
skopjeandme