Потребни состојки:

• Глад
• Мрза за готвење
• Желба за брза храна
• Аверзија од миење садови

Ова све се поклопи во саботата. Burger Club e отворено неколку месеци, се наоѓа на Млечен, карши Милениум, и ги нуди вообичаените работи, со тоа што се е супер спакувано во мерачки кутии, и проверено превкусно. Нема превише да филозофирам, затоа што се работи за бургери, салати, помфрити, хотдог, палачинки, а сето тоа е самото по себе мотивација.

Слоганот им е we create smiles, што е многу точно. Трендот моментално, е некако да се убеди човечката природа, генетски настроена кон хедонизам дека треба да се вежба, да се храни здраво, да се пентари по дрва и по карпи и да се вози точак. Тоа не го оспорувам, ама некако, мора да се испазариме повремено да може да се ужива во вакви работи:

Така, во една безидејна сабота во однос на ручек, ви предлагам да проверите дали Burger Club стварно ќе ви create a smile.

Доставата е поделена на три зони, можете да си видите на Фејсбук кај нив како тоа функционира. Работат секој ден, до полноќ 😉

Можете и да го лајкнете Skopje & Me, исто, на пример, ако ве занимаат уште вакви статии.

На пример, статијата за Пекинг Гарден.

Или за Гнездо.

Или, вие кажете кај да јадеме.

Бон апетит 😉